تجربتي بدورة ماسترز كانت مثرية، مكنتش بس دورة كانت مسار اللي مرقته مع حالي وبمرافقة من الطاقم. افكر من أهم الاشياء بالنسبة اللي بالدورة كانت الدعم الرائع خلال كل الدورة كمان على المستوى المهني بس كمان على المستوى الشخصي والنفسي. بالقسم الأول من الدورة (قسم كتابة الملفات والتسجيل للجامعة) كان واضح قديش فريق العمل عم بشتغل من القلب، نور مناع مرشدتي ورجت كثير مرونة ودعم، بكل لحظة حسيت حالي ضايعة او بمحل صعب كنت اتواصل معها وكانت تكون غاد للدعم والارشاد. كمان التفكير المشترك كان كثير مهم، مهم انه التوجيه ما كان "اكتبي هيك" او "اعملي هيك" بل كان في شعور انه احنا مسؤولين عن الكتابة وعن قصتنا والتاقم غاد عشان يرشدنا ويطلع الأحسن اللي فينا. بفكر هاد التوجه بعطي شعور انه في احترام للشخص، لتفكيره، والأشياء اللي منجيبها. (מסתכלים בגובה עיניים). بالنسبة للورشات بالقسم الأول بشوف انه كانت مهمة من ناحية المعلومات اللي توفرتلنا وكيف الاشياء انبنت خطوة بخطوة، بس كمان كان مهم انه هاي الورشات اعطت מסגירת اللي مرات كانت تمسك من ناحية وقت. نور قاسم كمان كانت رائعة وعنجد باللحظات اللي احتجت لدعم ومرافقة او كان عندي اسئلة، كانت تكون موجودة وتدعم. حتى لما كان عندي اشي احكيه ان كان نقاط دقرتني او نقد بناء او اي اشي اخر حسيت انه عنجد سمعتيني واخدتي الاشياء اللي حكيتها بعين الاعتبار وهاد اشي كثير مهم ورائع. وبفكر عنجد شفت وحسيت دمج ما بين المستوى المهني والإنساني الشعوري وهاد برضه كان مهم الي. اكيد اذا بفكر كمان بلاقي بعد اشياء بس هاي النقاط اللي بفكر كانت كثير مهمة الي وسهلت هاد المسار اللي هو مش سهل بالمرة، فترة اللي فيها كثير مشاعر مختلطة وعدم ياقين. بفترة كثير حساسة بكثير محلات وجود الطاقم كان يعطي زي ثبات معين وشعور اني مش عم بعارك لحالي.